Dezyèm jou (Samdi sen)
Nanm sasèdotal ak relijyez
jodi a, mennen ban mwen nanm sasèdotal ak relijyez yo,plonje yo nan mizerikòd ensondab mwen an. Yo ban mwen fòs pou mwen andire pasyon anmè mwen an, nan yo tankou yon bann kannal, mizerikòd mwen an ap devèse sou tout moun .
Jezi ki plen kè sansib la, nan ou tout sa ki bon sòti mitipliye gras ou yo nan nou , pou nou kapab poze zak ki plen ak mizèrikòd, pou moun k'ap gade nou kapab fè lwanj Bondye papa mizèrikòd la ki nan syèl la.
Sous renmen Bondye a,
rete nan tout kè ki pwòp,
plonje yo nan lamè mizerikòd la ,
voye reyon tankou zetwal, klere tankou douvanjou.
Letenèl Papa, voye je mizèrikòd ou a sou group moun ou chwazi sa yo, nanm sasèdotal ak relijyez yo epi konble yo ak fos benediksyon ou lan, epi akòz santiman ki nan kè pitit ou a yo fèmen kò yo a , ba yo fòs limyè ou la , pou yo kapab gide lòt yo nan chemen sali a pou nou chante ansanm lwanj mizerikòd ensondable ou a pou tout tan. amen (1212-1213)
Chaplè mizèrikòd Bondye a
( resite sou yon chaplè òdinè)
Pou kòmanse :
Papa nou ki nan syèl la....., Mari se pou kontan...., Mwen kwè nan Bondye...
Sou grenn « papa nou » yo,
di pawòl sa a yo:
V . Letènèl Papa, mwen ofri ou kò , san, nanm ak divinite
pitit ou renmen anpil la, Jezi -Kri granmèt nou;
R. Pou repare peche nou yo ak peche tout moun ki sou tè a .
sou grenn «mari se pou kontan»yo
di pawòl sa a yo:
V .Pou tout soufrans pasyon li a
R.Pran pitye pou nou ak pou tout moun ki sou tè a .
Jezi Mwen gen konfyans nan ou .
O san ak dlo ki te sòti nan kè Jezi
tankou sous mizèrikòd pou nou,
mwen gen konfyans nan ou .
Pou fini di 3 fwa :
V. Bondye ki sen an, Bondye ki fò a , Bondye ki la pou tout tan an
R.Pran pitye pou nou ak pou tout moun ki sou tè a
Jezi, mwen gen konfyans nan ou
mwen gen anpil krentif akòz fèblès mwen yo
men mwen espere tout bagay paske ou bon.
J.C